බ්‍රිතාන්‍යයේ විල්ට්ෂියර්හි පිහිටා ඇති "ස්ටොන්ජ්හෙන්ජ්" ගල් කණු මීට වසර දහස් ගණනකට පෙර නිර්මාණය වූවක් බව පුරාවිද්‍යා සාක්ෂිවලින් හෙළිවේ. මෙම නිර්මාණය වර්තමානය වන විට නටඹුන්ව පැවතිය ද මෙහි මුල් නිර්මාණය කවාකාර ශෛලමය වේදිකාවක් වන්නට ඇති බව විද්‍යාඥයින්ගේ උපකල්පනයයි.
මෙහි අැති නොවිසදුණු අබිරහස වන්නේ මෙම ස්ටොන්හෙන්ජ් ගල් කුළුණු කුමන අරමුණක් සඳහා කවුරුන් විසින් නිර්මාණය කළේ ද යන්නය. මේ වන විට මේ අවටින් සොයාගෙන අැති තොරතුරුවලට අනුව බොහෝ මතය වන්නේ මෙය කාල මැනීමේ ඉපැරණි ක්‍රමයක් බවය. සූර්යයාගේ අාලෝකයට අනුව මැවෙන සෙවණැලි රටා අාශ්‍රයෙන් කාලය මැන ගැනීමට මෙය පැරැන්නන් භාවිතා කරන්නට අැතැයි විද්‍යාඥයින් අනුමාන කරන අතර එයට සාක්ෂීන් ලෙස දැනට ද දවසේ විවිධ වේලාවන්හි මැවෙන අපූරු සෙවණැලි රටා හා ඒවායේ දිග ප්‍රමාණයන් විද්‍යාඥයින් ඉස්මතු කර දක්වයි.
මේ පිළිබඳව පවතින තවත් මතයක් වන්නේ මෙම වේදිකාවේ අෑත පිහිටි ගල් කොටස් දෙකක් අතරින් ඉර උදාවන ස්ථානයට සාපේක්ෂව වැටෙන සෙවණැලි රටා අැසුරින් වසරේ සෘතු භේදයට පෙර ඒ් පිළිබඳව පූර්ව අවබෝධයක් ඔවුනට තිබූ බවයි. කෙසේ නමුත් මෙහි දී මතුවන වැදගත්ම කරුණ වන්නේ මෙය කුමන අරමුණක් සඳහා නිර්මාණය කළ ද මෙහි නිර්මාණකරුවා කවුරුන් ද යන වගය. නිවැරදි වෘත්තාකාර හැඩයක් ගැනීමට තරම් කළු ගලින් කළ නිර්මාණය විශිෂ්ටය. මෙයට අවශ්‍ය කරන ගල් කොටස් කුමන ප්‍රදේශයකින් ගෙන අාවේ ද හා කෙසේ ගෙන අාවේ ද යන්න පවා අදටත් නොවිසිදුණු අබිරහසකි.
මේ වටා ගෙතුණු තවත් අපූරු කතාවක් වන්නේ මෙය අතීතය‍ේ පිටසක්වලයන් සමඟ පෘථිවිවාසීන් සබඳතා පැවැත්වූ ස්ථානයක් බවය. ඊට සාක්ෂි වශයෙන් මේ පිළිබඳව පර්යේෂණ කරන්නා වූ පිරිස් ඉදිරිපත් කරන ප්‍රධාන මතය වන්නේ නොදියුණු ගෝත්‍රික මිනිසුන්ට කාලය මැනීම හෝ සෘතු විපර්යාසයන් පිළිබඳව දැනුවත් වීමට හෝ මෙවැනි සංකීර්ණ ජ්‍යාමිතික නිර්මාණයන් සිදුකිරීමට හෝ අවබෝධයක් නොතිබීමය.
විද්‍යාඥයින් ඉදිරිපත් කරන තවත් මතයක් වන්නේ මෙය අතීත පිටසක්වල යානා ගොඩබැස්සවීමට සකස් කළ වේදිකාවක් විය හැකි බවයි. මෙයට නිදසුන් ලෙස ඔවුන් පවසන්නේ මෙය ගල් කණුවලින් මතුව අැති මිනිස් මුහුණකට අසමාන ජීවි රූපයන් පෙන්නුම් කරන බවය.
මේ පිළිබඳව කළ අධ්‍යයනවලින් තහවුරු වී අැත්තේ මෙම ශිලා නිර්මාණ එහි හුදකලාව පිහිටා තිබීමට නොහැකි බවයි. එය වටා පූජනීය ස්ථාන බඳු තවත් එවැනි නිර්මාණ 17ක් පිහිටා තිබූ බව ඒ අාශ්‍රිතව කළ පර්යේෂණවලදී සොයාගෙන අැත. කඳු ගොඩැලි බොහෝමයක් අතරින් එක් තැනක භූගතව මීටර් 33ක් දිගැති දැවමය ගොඩනැගිල්ලක් නිරීක්ෂණය කිරීමට ද මෙහි දී හැකි වී අැත. එය වසර 6000ක් තරම් පැරණි යැයි ගණන් බලා තිබේ. චාරිත්‍රමය වත් පිළිවෙත් සිදුකර මිය ගිය තැනැත්තන් මිහිදන් කිරීම සඳහා එම ස්ථානය භාවිතා කරන්නට අැති බව පුරාවිද්‍යාඥ මතයයි.
කෙසේ නමුත් මෙය ද පෘථිවිය මත අැති අදටත් නොවිසදුණු අබිරහස් ස්ථානයක් වන අතර අනාගතයේ යම් දිනක මෙහි සැබෑ යථාර්ථය විද්‍යමාන විය හැකිය.
No comments:
Post a Comment